Эх орондоо ирээд энэ хуудсаар орж ирэлгүй мөн ч удаж дээ. Шагайх ч завгүй ажил, ажил, ажил гэсээр нэг л мэдэхэд цас орж өвөл болсон байхыг бодоход хурдан ч юм шиг.
Энэ зун амралт гэгчийг мэдрэлгүй янз бүрийн ажилд явсаар таарав. Гэхдээ өмнөх бизлэгт архангайруу үзлэгээр явснаас хойш хэнтий, булган аймгуудруу мөн урьдчилан сэргийлэх үзлэгээр явж амрахаас ялгаагүй сайхан байлаа.
Дундуур нь бас наран улсад зорчоод ирсэн гэжугаа бас /хуралд оролцоод ...$-н грант авав/.
Ирсэнээс хойш зөндөө л тэмдэглэлт үйл явдал болсоноос хамгийн чухал нь миний охин 2-р ангид орж миний бие охиноо зөөх, хичээлийг нь давтуулах, хувцасыг нь угаах гэх мэт ажлууд нэмэгдэж сайн аавын дүрд тоглож мэргэшиж байна гэж.
Саяхан сурагчдын амралтыг нь дуусахаас өмнө СКАЙ РЕСОРТ гэдэг газар очоод ирсэн. Дажгүй газар байналээ хаа очиж, залуучуудын цагийг зөв өнгөрөөх нэг ч гэсэн газар нэмэгдсэнд БОЛООШ ДЭЭ.
Ажил маань солигдоод шинэ ажилд ирсээр 2 сар болчлоо. Одоо ч хуучин хүн шиг хүмүүсээ танидаг мэддэг болж байна даа. Шинэ ажлын маань шинэ жил ирэх сарын 15-нд болох юм гэсэн, би орноо гээд бүртгүүлсэн. монголд шинэ жил, цагаан сар, МАРТ-], цэргийн баяр тэмдэглэлгүй 4 жилийн нүүр үзжээ. Одоо ч тэмдэглэж өгнө дөө. Даанч МАРТ-8 гэхэд баярлуулах хүн маань амжиж ирэхнүү яахнуу бүү мэд. Цэргийн баяраар ч яахав Сүлд, Дэндэв, Түвшин 3-тай тэмдэглэнэ дээ гэсэн, Хурц захирагч томроод байхнуу яахнуу гайгүй байгаа.
Гаалийн татвар нэмэгдэнэ ч гэх шиг, өмнөд хойд гуулингууд зодолдсон ч гэх шиг, гэр бүлээр нь шатааж хүйс тэмтрэв ч гэх шиг онцгүй мэдээнүүд энэ 7 хоногт чих дэлсээд олныг шимшрүүлж айлгаж байх шиг байна. Цаг цөвүүн болноо гэж. муу юм манайхаас манай улсаас холуур өнгөрөөсэй... Алам малам сулимаааааа

Агаарын сайхан хөдөө юмаа хө

гэж сайхан дуу байдаг шдэ. Хөдөө нутгаар явж хүн амын урьдчилан сэргийлэх ХАЛУУН СЭТГЭЛ нэртэй аяны дор үнэ төлбөргүй үзлэгийг архангай аймгийн зарим сумдад хүргэх ажилд миний бие долоо хоног явж ирлээ. Одоо ч ид сайхан зуны нар хур нь тэгширсэн зун болж байна. Харин Архангай аймгийн Ихтамир суманд хоёр өдөржин цас орж уул тал цав цагаан (зуны сунд сард цас орсонг анх хараад гайхав), зам гэж шалчиг балчиг.
Хөдөөгийн ард түмэн маань энэ жил цас зуданд нэрвэгдээд хэдэн малаа тавиад тууцан сэтгэл санааны хувьд хүнд байна лээ. Амьдралын гол баталгаа болсон малаа алдаад сумын төвөөр гансарсан зарим нэг нь халамцуу голдуу, хүүхэд хөгшчүүл нь хачиг хирэнд баригдсан нэг тиймэрхүү дүр зураг тод харагдаж байсан.
Тэхдээ эрүүл хоол, эрүүл агаар, эрүүл ус гэдэг сайхан санагдсан.
Цэвэр агаараар цээж дүүрэн амьсгалж байхаад хотод орж ирсэн чинь 22-с эхлээд өмхий үнэр хамар сэтлэх дөхсөн дөө.

Эх орндоо ирээд

Арлын орноос ирээд арай ч сар болоогүй байна. Хаврын тэнгэр хувисганан дулаарч нэг үзлээ, даарч нэг үзлээ. Гэхдээ л эх газрын хүйтэн далайн чанад дахь шийгтэй агаараас хавьгүй дулаахан юм шиг санагдсан.
Нийгэм, хүмүүсийн амьдрал ихээхэн өөр болжээ. Юмны үнэ тэнгэрт хадна гээчийг нүдээр харж гараар барьж үзлээ. Арай л дэндүү болжээ. Толгой сэгсэрхээс өөрийг хийж үл чадан гайхан зогслоо. Хаврын синдром хаа сайгүй л. Өнөө л Сүх жанжны талбай дээр маань элдэв цуглаан жагсаал, өлсгөлөн үзэгдээд л өнгөрөх юм. Үнэн л байдаг байгаа даа гэмээр хаврын тэнгэр шиг хувисганах хүмүүс бас олон болжээ.
Сайны хажуугаар саар гэж муу зүйлийг яриад байвал дуусашгүй. Сайныг бас ярихгүй байж чадсангүй. Худалдааны газрууд, үйлчилгээний газрууд нэг үеээ бодвол соёлтой болсон нь харагдаж байналээ. Гадуур давхилдах МАШААНУУДын жолоочууд бас хөдөлгөөний соёлд жаахан ч гэсэн орсон байсан. Зүүн эргэх үед зам тавиад өгч байна лээ (такси, микроноос бусад нь).
Мэргэжлийн нүдээр гэхүү нэг биш зүйл омог бардам МОНГОЛ ЭРЧҮҮД маань бүгд олгой бардам болсон байналээ шүү. Бүдүүн бүдүүн гэдэстэй хүзүүгүй хүмүүс онгоцноос буухад л тосж авсан. Дийлэнх нь гэж хэлэхэд хилсдэхгүй болсон байсан. Бүгд МАШААН унадаг дарга нар, хөдөлгөний дутагдалтай. Өөрөө ч нээх лаг гуалиг юм шиг гэж бодож байгаа байх. Би таргалаад нэг хэсэг замаа алдсан. Одоо тэр таргатай тэмцээд л байжээн . Нутагтаа ирээд хурд нэмэгдэж хөдөлгөөн ихэссэн болхоор гайгүй буй заа.
Ажилдаа ороод хориод хонолоо. Ширээ сандал өгөхгүй бараг коридорт сууж байна. Тэсээд л байдаг. Хэдийд тэсвэр алдагдахын, эсвэл хэдийд сандал ширээ өгөхийн бүү мэд. Нөгөө нэг монгол кино байдаг шдэ. Дөрвөн дугуй авья гэсэн танасаар байгаад нэг дугуй өгдөг шиг, уг нь ширээ сандал компютер номын шкаф захиалсан юм. Танагдсаар байгаад нэг сандал ирвэл их юм болох байх даа. Бас цалингаа сонсоод эгээтэй л ухаан алдсангүй, дахин дахин лавлаж асуусан чинь чи харин өндөр цалин авч байна... гэж боловсон хүчин хэлж байгааг хоёр дэлдгэрээрээ сонсон гутрах шиг. Гэвч одоо яахавдээ. Өөрөө л хүсэж ирсэн. Амьдраад байна даа...

H22.2.22

Дээр гарчигласан байгаа тоонууд юу юм бэ гэвэл японы он тоололоор 2010 оны 2дугаар сарын 22 гэсэн утгатай. Японы он тоолол эзэн хааныхаа нэрээр нэрлэгдэн тухайн үед суугаа хааныхаа нэрээр, хаан ширээнд суусан өдрөөс нь эхэлж тоолдог юм байна. жишээ нь одоо Heisei 平成 22 он (2010 он). Миний бие болвоос Showa　昭和天皇 (1901 оны 4-р сарын 29 – 1989 оны 1-р сарын 7) гэгч хааны 55дахь жил төрсөн юм билээ. Тэрхүү Showa　昭和 хаан нь дэс дараагаар Японы 124 дөх Эзэн Хаан бөгөөд 1926 оны 12-р сарын 25-наас 1989 онд насан эцэс болтлоо хаанчилсан. 1990 онд монгол улсад цагаан морин жил гарч ардчилал мандаж байх тэр агшинд солигдон одоогийн Heisei хаан нь ширээндээ заларсан юм байна.
Манай улсад ч хувьсгалаас өмнө энэ мэт он тооллыг хэрэглэж байсан байгаам. Богд хаан олноо өргөгдсөний он тоолол. Олноо өргөгдсөн гэдэг нь Богд Хаант Монгол Улсын төрийн оны нэр бөгөөд аргын тооллын 1911 оноос эхэлнэ.
1911 оны 10 сард Учаний бослого гарч Манж Чин улсын хүч суларсан бөгөөд тэр үеийг ашиглан Халхын ноёд 12 сарын 1-нд Хүрээнд (одоогийн Улаанбаатар) хуралдаж, Монголын тусгаар тогтнолыг зарлан, 12 сарын 29-нд Шарын шашны тэргүүн 8-р Жавзандамба хутагтыг Богд хаанд өргөмжилж, ёслол үйлджээ. Ийнхүү Богд Хаант Монгол Улс байгуулагдаж, он тооллыг шинээр эхлүүлжээ. 1915 оны Хиагтын гэрээгээр Богд Хаант Монгол Улс нь Дундад Иргэн Улсын "автономит" эрхтэй улс болсон тул мөн оны 6 сарын 9-нөөс уг оны нэрийг хэрэглэхийг хориглосон аж.
Зүгээр л дээрх гарчигласан он сар өдөр гоё санагдаад иймэрхүү дэмий шахуу юм орууллаа. Японд байгаад ч тэрүү усыг нь уувал ёсыг нь дага гэдэг үг байдаг болхоор он тооллыг нь хүртэл хэлээд хэрэглээд сурчихаж дээ. Өнөөдөр орой буюу Н22 оны 2 сарын 22ны өдрийн 22 цаг 22 минут 22 секундэд нэг юм хийхгүй бол ч болохгүй дэг шүү.

Он гарсаар

2010 он гарсаар нэг сарыг ардаа орхиж. Цаг хугацаа гэж харвасан сум мэт л талийх юм. Энэ нэг сарын хугацаанд манайх гэдэг айлд ах эгч (авга эгч, нөхрийн хамтаар) ирж 2 хоноод буцсан өдөр нь миний найз эхнэрийн хамт ирж 6 хоног дагаж нислээ дээ. Мань хүн ч түмэндээ нэртэй нүүртэй хүн болхоор хүн бүхэн урьж дайлсаар бас нилээд ШОУ-тай л өнжих шив. Морьтоны хишиг явганд гэгчээр би айл дагуулж швах нэрийдлээр хамт үсэргэсээр сүүлдээ гэвтэрт орохоос наагуур болжээн шүү.
Нэг тэмдэглүүштэй зүйл гэвэл 2003 онд Эрүүл Мэндийн Шинжлэх Ухааны Их Сургууль төгсөгчигдөөс 9 хүн энэ удаа уулзалдаж бараг курсийн уулзалтыг хальт хийсэн дээ.

Буцах хүртлээ нилээд ШОУ ахиад үргэлжлэх болтойдог шүү.
Ямар ч байсан японд байх хугацаанд миний урих ёстой ирэх ёстой байсан хүмүүс маань ихэнх нь ирээд буцсанд миний биё туйлийн баяртай байгааг цохон тэмдэглэхэд таатай байна.
Токушимад суугаа Эбу
Гялайлаа.